| Ferdsel har det vore over
Haukeli i alle år. I 1155 fòr lendmannen Gregorius Dagsson vest
over fjellet for å søkja ly hjå Erling Skakke i Etne.
Køyrevegen over fjellet stod ferdig i 1889, og vegbreidda var 2,5
meter. På grunn av vêrtilhøva i fjellet kunne vegen berre haldast
open i sommarhalvåret. Nokre år kunne vegen berre nyttast i fire
månader - det var tydeleg at vegtraseen måtte leggjast om. Kampen
for å få heilårsveg over Haukelifjell har vore lang. Mange bygder
og lokalsamfunn ligg langs ruta og er avhengige av sambandet.
Haukeliekspressen, vogntog og privatbilisten er vanlege farande
fantar; syklistar og fotgjengarar ser ein på store deler av
strekninga. Lange tunnellar er gode å ha når vinteren stormar som
verst.
Om sommaren, når gamlevegen er brøyta, kan turisten nytta høvet
til høgfjellstur med vilt terreng. Dette vert frårådd bubilistar og
andre med store køyrety då vegen er svært smal og
svingete.
E134 går mellom Haugesund og Drammen. Ingvar Meling var ein av
dei som gjekk i bresjen for prosjektet med heilårsveg over
Haukelidfjell, og cachen ligg gøymt like ved minnesmerket over han
like før Seljestadtunellen.
Kjært barn har mange namn, vert det sagt. Haukelivegen har opp
gjennom åra endra namn, og med det status, fleire gonger. Rv 10 var
vinterstengd mellom Røldal og Haukeligrend. E76 var namnet vegen
fekk då heilårsvegen vart opna i 1968. Dette namnet hadde vegen
fram til 1992 då vegen vart nedgradert til Rv 11. Vegen var den
same, og etter nokre få år fekk vegen attende europavegstatusen, no
som E134.
|
E134 Haukelivegen
| Moeilijkheid: 
| Terrein: 
Katie#4 - Svingen (0.38 km NW)
5